வகிரகங்களில் முதன்மையான கிரகமான சூரியன் உலகிலுள்ள அனைத்துயிர்களும் வாழத் தேவையான ஒளிக்கதிர்களை எந்தவிதமான பாகுபாடுமின்றி வழங்குபவர். நம் கண்ணுக்குப் புலப்படும் முதல் இயற்கை சக்தி கிரகம். ஒருவர் ஜாதகத்தில் சூரியன் பலம்பெற்றால் உயிர் காரகத்துவங்களான தந்தை, மாமனார், மூத்தமகன், தலைவர்களின் ஆதரவு கிடைக்கும். மனிதர்கள் வாழ்வில் வெற்றிபெற ஆன்மபலம் மிக அவசியம். சூரியன் சுப பலத்துடன் வலுவாக இருந்தால் ஆன்மபலம் பெருகும். உடல் தேஜஸ் பெறும். கௌரவம், புகழ், அந்தஸ்து உண்டாகும்.

Advertisment

சூரியன் காலபுருஷ ஐந்தாமதிபதி என்பதால், ஒருவருக்கு குழந்தை உருவாக சூரியனே பொறுப்பு. சூரியன் நல்ல நிலையில் இருந்தால் மட்டுமே புத்திரர்களால் பயனுண்டு.

சூரியன் கிழக்கு திசையின் அதிபதியென்பதால், சூரியன் பலம்பெற்றால் வீட்டில் நற்சக்திகள் நிரம்பியிருக்கும். சூரியன் பலம்குறைந்தால் ஆன்மா பலமிழந்து மன அமைதி குறையும். எதிர்மறை எண்ணங்கள் அதிகரிக்கும்.

தந்தை, தந்தைவழி உறவுகளின் அன்பு, ஆதரவு கிடைக்காது. சமுதாய அங்கீகாரம், அரசின் ஆதரவு, முக்கிய பிரமுகர்களின் நட்பு கிடைக்காது. கடவுள் நம்பிக்கை இருக்காது. உஷ்ண நோய், கண் நோய், பித்த நோய், தலைவலி உண்டாகும்.

Advertisment

சித்து வேலைகள், ஏமாற்று வேலைகள் செய்து பிழைப்பு நடத்துவர். அரச தண்டனை, தண்டம்கட்ட நேரும். குடும்பத்தில் மதிப்பு, மரியாத குறையும். பொறுப்பற்றவர்களாக இருப்பார்கள். சூரிய ஒளி குறைவாகவுள்ள இடங்களில் வாழநேரும்.

நம் கண்ணுக்கு ஒளியாய் இருந்து நம்மை வழிநடத்திச் சென்று, உலக உயிர்களுக்கும் ஆதாரமாக இருப்பதால் சூரியனை பித்ருகாரகன் என்றழைக்கிறோம்.

இனி பன்னிரு லக்னங்களுக்கும் சூரிய தோஷம் நீக்கும் பரிகாரங்களைக் காணலாம்.

மேஷம்

Advertisment

இந்த லக்னத்திற்கு சூரியன் ஐந்தாமதிபதி என்பதால ஆட்சி, உச்சம், சுயசாரம் பெறுவது, சுபகிரக சம்பந்தம் கிடைப்பது நல்லது. பூர்வபுண்ணிய ஸ்தானம் .பலம்பெற்று குலதெய்வம், பித்ருக்கள் நல்லாசிகள் கிடைக்கும். அதிர்ஷ்டம் அரவணைக்கும். பிள்ளைகளால் மகிழ்ச்சியுண்டாகும். அரசு, அரசியல் ஆதாயம், கௌரவப் பதவிகளால் பெருமையடைவார்கள். சூரியனுக்கு அசுப கிரக சம்பந்த மிருந்தால் குலதெய்வக் குற்றமிருக்கும். பித்ருக்கடன் தீர்க்கமுடியாது. அதிர்ஷ்டம் குறையும். பிள்ளைகளால் நிம்மதியிருக்காது.

பரிகாரம்: ஞாயிற்றுக்கிழமை சூரிய ஓரையில் சிவப்பு வஸ்திரம் சாற்றி சிவ வழிபாடு செய்யவேண்டும்.

ரிஷபம்

ரிஷப லக்னத்திற்கு சூரியன் 4-ஆமதிபதி. சூரியன் சுப பலம்பெற்றால் தாயின் அன்பு, ஆசி, தாய்வழிச் சொத்து கிடைக்கும். மிகுதியான சொத்துச் சேர்க்கை இருக்கும். வாகன யோகம், அரசுவழி ஆதாயமுண்டு. விவசாயம், கால்நடை வளர்ப்பு, சொத்துகள், ரியல் எஸ்டேட்மூலம் வருமானம் உண்டாகும். பள்ளி, கல்லூரியில் படிக்கும்போது மாணவர் தலைவர்களாக இருப்பார்கள். இளம்வயதில் அரசியல் ஆர்வம் ஏற்படும். சூரியன் பலம்குறைந்தால் சொத்துகளால் மன உளைச்சல் அதிகரிக்கும். தாய், தாய்வழி உறவு களின் ஆதரவு குறையும்.

பரிகாரம்: ஞாயிற்றுக்கிழமை செவ்வாய் ஓரையில் முருகனை வழிபடவேண்டும்.

மிதுனம்

மிதுன லக்னத்திற்கு சூரியன் சகாய ஸ்தானாதிபதி. சுய ஜாதகத்தில் சூரியன் பலம் பெற்றால் 'தம்பியுடையான் படைக்கு அஞ்சான்' என்பதுபோல் இவர்களின் அனைத்து முயற்சியிலும் சகோதர- சகோதரி களின் ஒத்துழைப்பிருக்கும். திட்டமிடுதலே வெற்றியின் ரகசியம் என்பதால் திட்டமிட்டு செயல்படுவார்கள். சூரியன் பலம் குறைந்தால் நிலையாக ஓரிடத்தில் இருக்கமுடியாமல் அடிக்கடி இடப்பெயர்ச்சி செய்துகொண்டே இருப்பார்கள். முறையான திட்டமிடுதல் இருக்காது. அண்டை அயலாருடன் கருத்து வேறுபாடு இருந்துகொண்டே இருக்கும். சொத்துகள் தொடர்பான முறையான ஆவணங்கள் இருக்காது. இளைய உடன்பிறப்புகளின் ஆதரவு குறையும்.

பரிகாரம்: ஞாயிற்றுக்கிழமை புதன் ஓரையில் மகாவிஷ்ணுவை வழிபட, முத்தாய்ப்பான முன்னேற்றம் வந்துசேரும்.

கடகம்

இந்த லக்னத்திற்கு சூரியன் தன ஸ்தானாதிபதி. சூரியன் சுபவலுப் பெற்றவர்களுக்கு நிலையான- நிரந்தரமான வருமானமுண்டு. தன் அன்பால், திறமையான பேச்சால் குடும்பத்தைத் தன்வசப்படுத்துவார்கள். குடும்பத்தை திறமையாக நிர்வகிப்பார்கள். கொடுத்த வாக்கை, சத்தியத்தைக் காப்பாற்றுவார்கள். சூரியனுக்கு அசுப கிரக சம்பந்த மிருந்தால் குடும்ப உறவுகளுடன் ஒட்ட மாட்டார்கள். நிறைவேற்றமுடியாத வாக்கைக் கொடுத்துவிட்டு வருந்துவார்கள். நிலையான வருமானம் கிடைக்காது. சுயதொழில் செய்பவர்களுக்கு நஷ்டம் ஏற்படும் வாய்ப்பு அதிகம்.

பரிகாரம்: ஞாயிற்றுக்கிழமை சூரிய நமஸ்காரம் செய்து ஆதித்ய ஹ்ருதயம் படிக்கவேண்டும்.

ss

சிம்மம்

சிம்மத்திற்கு சூரியன் லக்னாதிபதி. சூரியன் பலம்பெற்றால் குடும்பத்தின் முதல் வாரிசாகப் பிறப்பார்கள். தலைமைப் பண்பு, சிறந்த நிர்வாகத் திறமை, புகழ், அந்தஸ்து, கௌரவம் நிறைந்தவர்கள். சுய முயற்சியால் வாழ்வில் உன்னத நிலையை அடைவார்கள். சூரியன் பலம்குறைந்தால் ஜாதகர் நிலையற்ற தன்மையுடையவராக இருப்பார். சுய முடிவெடுக்கத் தெரியாது. வாழ்க்கையில் முன்னேறுவதற்குக் கிடைக்கக்கூடிய வாய்ப்புகளை சரியாகப் பயன்படுத்தத் தெரியாது. ஆன்மபலம் குறையும். எதிர்மறை எண்ணங்கள் அதிகம் உள்ளவர்.

பரிகாரம்: ஞாயிற்றுக்கிழமை சூரிய ஓரையில், ஏழு குதிரையுடன் அமர்ந்த சூரிய பகவானை வழிபடவும்.

கன்னி

கன்னி லக்னத்திற்கு சூரியன் விரயாதிபதி என்பதால் சமமாக- மத்திம பலத்துடன் இருக்கவேண்டும். அதிக வலுப் பெற்றால் விரயம், மருத்துவச் செலவு அல்லது வெளிநாட்டு வாழ்க்கை அல்லது தலைமறைவு வாழ்க்கை அல்லது சிறை தண்டனை அனுபவிக்க நேரும். வெகு சிலருக்கு உடலுறுப்புகளை இழக்கவும் நேரும். சூரியன் பலம்குறைந்தால் கண் பாதிப்பு, மன சஞ்சலம் அதிகரிக்கும். உஷ்ண நோய்த் தாக்கம் இருக்கும். தூக்கம் குறைவுபடும். திருமணமானா லும் பிரம்மச்சாரியாக வாழும்நிலை ஏற்படும்.

பரிகாரம்: ஞாயிற்றுக்கிழமை சிவனடி யார்களுக்குத் தேவையறிந்து உதவவேண்டும்.

துலாம்

துலா லக்னத்திற்கு சூரியன் லாபாதிபதி, பாதகாதிபதி. லாபாதிபதி வலுத்தால் பாதகமும் மிகுதியாகும். சூரியன் அசுபகிரக சம்பந்தம் பெற்றால் பாதகம் குறைந்து சாதகம் மிகுதியாகும். மிகச் சுருக்கமாக, உயிர் காரகத்துவத்தால் நன்மையடைந்தால், பொருள் காரகத்துவத்தால் பாதிப்பிருக்கும். பொருளிழப்பு இருந்தால் உயிர் காரகத்துவத்தால் இழப்பிருக்காது.

பரிகாரம்: ஞாயிற்றுக்கிழமை பஞ்சாமிர்தத்தால் அபிஷேகம் செய்து சிவனை வழிபடவேண்டும்.

விருச்சிகம்

விருச்சிக லக்னத்திற்கு சூரியன் தொழில் ஸ்தானாதிபதி. சூரியன் பலம்பெற்றால் அரசு உத்தியோகம், அரசியல் ஆதாயமுண்டு. மிக உயர்ந்த உன்னத நிலையை அடைவார்கள். புகழ், அதிகாரம், கௌவரப் பதவிகள் கிடைக்கும். தொழில் சார்ந்த விஷயத்தில் நல்ல வாய்ப்புகள் கிடைக்கும். அரசின் டெண்டர், கான்ட்ராக்ட் போன்றவற்றில் அதிக லாபமுண்டு. சூரியன் பலம்குறைந்தால் உதவி, முன்னேறுவதற்கான வாய்ப்புகள் தேடிவரும்போது அதனை சரியாகப் பயன்படுத்தத் தெரியாது. நிலையாக ஒரு தொழில் செய்யமாட்டார்கள். பலதொழில் செய்து பண விரயத்தையும், நஷ்டத்தையும் சந்திப்பார்கள்.

பரிகாரம்: ஞாயிற்றுக்கிழமை சிவனுக்குப் பாலாபிஷேகம் செய்து வழிபடவேண்டும்.

தனுசு

தனுசு லக்னத்திற்கு சூரியன் பாக்கியாதிபதி. சுய ஜாதகத்தில் சூரியன் பலம்பெற்றால் தந்தை, முன்னோர்களின் நல்லாசிகள் தொடர்ந்து கிடைக்கும். குலத் தொழிலில் வெற்றியுண்டாகும். வெளிநாட்டு வாழ்க்கை அமையும். தீர்த்த யாத்திரை செல்லுதல், தானதர்மம் செய்வதில் ஆர்வம் மிகுந்தவர். சுய ஜாதகத்தில் சூரியன் பலம்குறைந் தால் பித்ருக் கடன் செலுத்தமுடியாது. குடும்பத்தில் துர்மரண பாதிப்பிருக்கும். தந்தைக்கு முன்னேற்றம் குறையும். தந்தை மற்றும் தந்தைவழி உறவுகளின் ஆதரவு குறையும்.

பரிகாரம்: சூரியன் பலம்குறைந்தவர்கள் அமாவாசை நாட்களில் முறையான முன்னோர் வழிபாடு செய்துவர முத்தாய்ப் பான முன்னேற்றம் தேடிவரும்.

மகரம்

மகர லக்னத்திற்கு சூரியன் அஷ்டமாதிபதி என்பதால், சுப வலுப்பெற்றால் விபரீத ராஜயோகத்தை அனுபவிப்பார்கள். வெளிநாட்டு வாழ்க்கையை விரும்புவார்கள். அசுப வலுப்பெற்றால் விபத்து, கண்டம், அறுவை சிகிச்சை போன்ற பாதிப்பிருக்கும். அசுப கிரக சம்பந்தமிருந்தால் பாதிப்பு மிகுதியாகும். இவர்கள் யாரிடமும் கடன் வாங்கவும் கூடாது; கொடுக்கவும் கூடாது. இவர்கள் கடன் வாங்கினால் கடனைத் திரும்ப செலுத்துவது கடினம். ஜாமின் போடக்கூடாது.

பரிகாரம்: ஞாயிற்றுக்கிழமை இளநீர் அபிஷேகம் செய்து சிவனை வழிபட வேண்டும்.

கும்பம்

கும்ப லக்னத்திற்கு சூரியன் ஏழாமதிபதி, மாரகாதிபதி. சூரிய தசைக் காலத்தில் பாதிப்பு அதிகமாகும். சூரிய புக்திக் காலங்களில் குறைவான பாதிப்புண்டு. அதேநேரத்தில் சூரியன் மிக பலவீனமாக இருந்தால், அசுபகிரக சம்பந்தம் பெற்றால் திருமணம் தடைப்படும். திருமண வாழ்க்கையில் நிம்மதியிருக்காது. நண்பர்கள், தொழில் கூட்டாளிகள், வாடிக்கையாளர்களால் அசௌகர்யம் உண்டாகும்.

பரிகாரம்: கும்ப லக்னத்தினர் வில்வார்ச் சனை செய்து சிவனை வழிபட சூரிய தோஷம் விலகும்.

மீனம்

மீன லக்னத்திற்கு சூரியன் ஆறாமதி பதி. ஆறாமதிபதி வலுத்தால் கடன், நோய், எதிரி தொல்லை இருக்கும். ஆறாமதிபதி வலுக் குறைந்தால் தேவைக்கு கடன் கிடைக்காது. நோய் எதிர்ப்புசக்தி குறையும். எதிரிகளை வெல்லும் தைரியமிருக்காது. சூரியன் 8, 12-ல் நின்றால் ஓரளவு சுபப்பலன் உண்டாகும். ஒரு மறைவு ஸ்தானாதிபதி இன்னொரு மறைவு ஸ்தானத்தில் அமர்வதால் விபரீத ராஜயோகம் ஏற்படும். மீன லக்னத் திற்கு சூரிய தசை வராதவரை பெரிய பாதிப்பிருக்காது.

பரிகாரம்: ஞாயிற்றுக்கிழமை விபூதி அபிஷேகம் செய்து சிவனை வழிபடவும். பொதுவாக ஒளிகிரகமான சூரியன் மறைவு ஸ்தானத்தில் நிற்பதும், அசுப கிரக சம்பந்தம் பெறுவதும் சிறப்பல்ல. பாதிப்புள்ளவர்கள் உரிய வழிபாட்டு முறையைக் கடைப்பிடிப்பது நல்லது.

செல்: 98652 20406